27.2 C
Manila
Friday, March 29, 2024

DENR Mipagula Sa Pahimangno Batok Sa Pagkolekta Sa Ihalas Nga Mga Tanom

- Advertisement -

Cagayan de Oro City  – Tungod sa taho sa illegal nga pangolekta sa mga ihalas nga tanum sulod sa Mt. Kitanglad Range Natural Park sa Bukidnon, nagpahimangno ang Department of Environment and Natural Resources, Rehiyon X (DENR X) nga gidili ang pagputol, pagkuha, ug pagkolekta sa mga ihalas nga mga tanum sulod sa nasangpit nga protected area ug ubang mga protected area dinhi sa Rehiyon X.

Si DENR X Regional Executive Director (RED) Arleigh J. Adorable nagpahinumdom nga ang parke gikonsiderar isip protected area pinasubay sa Akta Republika No. 8978 o “Mt. Kitanglad Range Protected Area of 2000;” Republic Act No. 7586 o “National Integrated Protected Areas System Act of 1992” nga gi-amendar sa Akta Republika No. 11038 o “Expanded National Integrated Protected Areas System Act of 2018” ug Akta Republika No. 9147 o “Wildlife Resources Conservation and Protection Act.”

 Alayon niini, ang pagputol, pagtigum, pagkolekta, pagpangayam ug pagkuha sa maskin unsa nga produkto sa kalasangan sama sa ihalas nga mananap (fauna) ug ihalas nga tanum (flora) nga walay permiso sa DENR masilotan sa nasangpit nga mga balaod ug uban sa pagmulta ug pagkapriso.

Si RED Adorable nagkayon nga ang DENR, Rehiyon X wala nagpasagad o nagkonsentir sa illegal nga mga kalihukan batok sa atong kinaiyahan ug palibot.  Siya mipadayon pag-ingon nga ang mosupak sa mga balaod pasakaan og kaso alayon sa administratibo ug criminal nga mga balaod.

Mihangyo siya nga i-report sa pinakadool nga buhatan sa DENR kung adunay  impormasyon sa pagsupak sa balaod.

Ang Rehiyon X adunay protected areas nga naglakip sa Mt. Kitanglad Range Natural Park ug Mt. Kalatungan Range Natural Park sa Bukidnon; Mts. Timpoong-Hibok-Hibok Natural Monument sa Camiguin; Mt. Inayawan Range Natural Park sa Lanao del Norte; Mt. Malindang Range Natural Park Baliangao Protected Landscpe and Seascape sa Misamis Occidental; ug Initao-Libertad Protected Landscape and Seascape, Mimbilisan Protected Landscape and Seascape ug Mt. Balatukan Range Natural Park sa Misamis Oriental. (DENR-X)

(Source: DENR X Legal Division and Conservation and Development Division)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -