Tungod sa kalawom nga pagkahinanok, wala maka-alinggat ang driver nga gisaka na ang truck ug gikuha ang iyang wallet sa wala mailhi nga suspetsado. Ang driver naila nga si Peter Fortun Siangita, 52 anyos, driver sa Rowies Construction ug residente sa Purok Kalipayan, Tandag City Surigao Del Sur.
Sumala sa driver nga sa may alas 2 sa kabuntagon, Disyembre 19 ning kasamtangang tuig human sa ilang overtime sa ilang trabaho diha sa Pantalan ning atong syudad, iyang gi-parking ang gimaneho nga truck sa kilid sa dalang Borromeo, Punta Bilang-Bilang Brgy. Taft ug mipahuway sa sulod sa truck apan pagka alas 7 an takna sa buntag sa iyang pagmata, iyang nadiskubre nga nawagtang na ang iyang wallet, nga may kwartang P1,400 ug driver’s license ug silver Samsung nga cellphone.
Iyang gituohan nga ang suspek didto miagi sa gamay nga abierto nga bintana sa truck. Aduna nay gihimo nga follow-up investigation ang mga personahe saTheft and Robbery Unit sa Surigao City Police Station aron sa pag-ila sa posibleng pagsikop sa suspetsado.
