Cebu City– Nagsinabot ra pinaagi sa amicable settlement ang delivery driver ug ang bikers nga nalambigit sa road rage sa Syudad sa Mandaue niadtong Domingo, Agosto 2021.
Gibutyag ni Marvin Lobitana, delivery driver nga dili na siya gusto mopadayon sa pagpasaka ug formal complaint batok sa duka ha driver nga misumbag niya ug nangangkon nga mga agent sa National Bureau of Investigation.
Ang insidente nakuhaan ug video ug nag trending sa social media.
Nagtagbo ang duha ka party kagahapon, Agosto 24, 2021 ug mi pirma si Lobitana ug Affidavit of Desistance and Recantation.
Giangkon ni Lobitana nga duna sab siyay sayop tungod kay na sideswiped niya ang usa ka biker, natumba ug na pangos, kinsa kauban sa grupo nga misumbag niya.
Hangyo sa biktima ngadto sa publiko nga undangon na ang pag post ug pag comment labot sa issue homan sila nagkasinabot sa bikers nga nalambigit.
“Ang akoang hangyo sa social media, undang na tawon mo ana kay ang tawo nga natungnan karon, nahasol sad tawon siya. Di sad nato tagaan og labad iyang ulo kay tawo raman ta, ayaw sad mo palabi diha,” hangyo ni Lobitana.
Samtang kalabot sa kasong Usurpation of Authority of Authority nga ipasaka unta sa NBI-7, ila kining ipadayon kung ang biktima padayon nilang mohatag ug impormasyon kung gi unsa pag pangangkon nga NBI agent ang usa sa mga bikers.
“Ang importante gyud is ang identification nila. Siya ang mag identify kung kinsa, siya say mosulti giunsa pag paila nga ni utter ba sa iya nga atubangan og NBI ba siya o nagpakita ba og ID, ” giklaro ni NBI-7 Director Renan Oliva.
Ang pag atras ni Lobitana sa giplanong pagpasaka ug kaso naka pasagmuyo ug wa ikahimoot sa pipila ka mga netizens nga unang mi sinmpatiya kaniya.
Duna pod hinooy ni respeto sa desisyon sa biktima. (Jhon Tadlip)
(News & photos courtesy of NBI-7)