De Lima may patutsada kay Duterte ukol sa pananahimik nito sa kumakalat na illegal Chinese-only hospitals

Pinatutsadahan ni Sen. Leila De Lima si Pangulong Rodrigo Duterte sa tila pananahimik umano nito hinggil sa natutuklasang iligal na ospital o clinic para sa mga Chinese national.

Ito’y matapos na salakayin ng mga otoridad kahapon ang isang illegal na klinika sa isang gusali sa Makati City.

Ani De Lima, gaano pa kaya karami ang madidiskubreng illegal na pasilidad habang may kinakaharap na krisis ang bansa dahil sa COVID-19.

Magugunitang nadiskubre rin ng mga otoridad ang isang iligal Chinese-only hospital sa Clark Freeport, Pampanga at sa Baclaran at Parañaque.