DAVAO CITY – Narecover sa mga otoridad ang unom ka patay’ng lawas atol sa search and rescue operation nga gihimo sa crash site sa Loreto, Agusan del Sur.
Sumala sa ulat sa Eastern Mindanao Command (EASTMINCOM), ang mga nakuha nga lawas posibleng mao ang pilot ug mga crew members sa nahagsa nga Super Huey helicopter.
Gipili sa EASTMINCOM nga dili pa ipadayag ang mga ngalan sa mga biktima samtang wala pa mapahibalo ang ilang mga pamilya.
Matod sa ulat, ang mga sakay sa helicopter moadto unta aron motabang sa mga apektado sa bagyong Tino sa Mindanao.
Gibantayan na karon sa pwersa sa 60th Infantry Battalion, 10th Infantry Division ang crash site, samtang nagpadayon ang imbestigasyon sa Philippine Air Force aron mahibal-an ang hinungdan sa insidente.(Camille Santos Naraga)(Source: Contributed)