DAVAO CITY – Gipahigayon sa mga miyembro sa Infrastructure Cluster Inspection (ICI) ang usa ka inspection sa slope protection project nga gihimo sa Department of Public Works and Highways (DPWH) sa bahin sa Shrine Hills, C.P. Garcia Highway, Diversion Road, Davao City.
Ang maong inspeksyon gitumong aron masiguro ang kalidad ug kalig-on sa proyekto, ug aron masuta kung ang mga materyales nga gigamit sa rock netting system epektibo ba sa paglikay sa mga posible nga pagtagak sa bato ug landslide.
Personal nga mitambong sa inspeksyon sila DPWH Undersecretary Arthur Bisnar, ICI Special Adviser ug kanhi PNP Chief Rodolfo Azurin Jr., ug Baguio City Mayor Benjamin Magalong.(Camille Santos Naraga)(Source: Contributed)