Darong, Sta. Cruz, Davao del Sur – Duha ka tawo ang giingong namatay samtang usa ang nakaluwas human masangkot sa disgrasya ang ilang gisakyan nga motorsiklo sa national highway sa Barangay Darong, Sta. Cruz, Davao del Sur, pasado alas 5:00 sa hapon karong adlawa, Hunyo 21, 2025.
Sumala sa paunang impormasyon, nagdagan ang motorsiklo padulong sa direksyon sa Davao City sa dihang kalit kini nga nadisgrasya. Wala pa matino ang hinungdan sa aksidente apan posible nga overspeeding o pagkawala sa kontrol sa motorista ang hinungdan.
Gidali sa mga responder ang mga biktima sa tambalanan apan duha kanila ang gideklarar nga dead on arrival. Usa pa ka pasahero ang nakaluwas ug padayon nga ginatambalan sa ospital.
Nagpadayon pa ang imbestigasyon sa kapulisan aron matino ang tukmang hinungdan sa insidente.(Camille Santos Naraga)(Source: Contributed)