Panacan, Davao City – Usa ka rider sa motorsiklo ang nailawman og trak sa kahaboga sa highway sa Panacan, Davao City mga alas 3:20 sa hapon karong adlawa, Hunyo 21, 2025.
Base sa video nga gipost ni netizen Joya Larios, klarong makita nga buhi pa ang lalaki nga nailawm sa trak, bisan pa man sa kakuyaw sa nahitabong insidente. Daghang mga tawo ang nagtapok sa palibot ug nagtinguha sa pagtabang sa biktima.
Hangtod karon, padayon pa ang pagkuha og dugang detalye sa insidente, lakip na ang kahimtang sa rider ug ang tukmang hinungdan sa aksidente. (Camille Santos Naraga)(Source: Contributed)