DAVAO CITY — Gisulayan og pusil sa usa ka construction worker ang usa ka barangay kagawad sa Tibungco, Lunes sa buntag, Mayo 26, tungod sa utang nga nagkantidad og P100,000
Sumala ni Police Captain Hazel Caballero-Tuazon, tagapamaba sa Davao City Police Office (DCPO), base sa inisyal nga imbestigasyon sa kapulisan, utang sa suspek ang maong kantidad ngadto sa biktima.
Gidugang ni Tuazon nga aron malikayan ang bayad sa utang, gisulayan sa suspek nga patyon ang 56-anyos nga kagawad pinaagi sa pagpamusil, apan napakyas kini sa iyang tuyo.
Ang suspek karon mag-atubang og mga kasong Frustrated Murder, paglapas sa RA 10591 (Comprehensive Firearms and Ammunition Regulation Act), ug paglapas sa COMELEC gun ban. (Camille Santos Naraga)(Source: DCPO)