DAVAO CITY – Usa ka sakop sa Philippine National Police (PNP) ang namatay human gipusil sa wala mailhing suspek sa Barangay Tunggol, Datu Montawal, Lunes sa buntag, Mayo 26, 2025.
Ang biktima giilang si Patrolman Jomar Madaliday Kalantungan.
Matod ni Police Captain Datumasla Mangalangkat, hepe sa Datu Montawal Municipal Police Station, nga samtang nagbarog sa kilid sa kalsada ang biktima, kalit kini giduolan sa suspek ug gipusil.
Human sa insidente, dali kining misibat ug karon padayong ginapangita sa kapulisan.(Camille Santos Naraga)(Source: Contributed)