Davao: Usa sa suspek sa pagpatay sa construction worker, misurender

0
0

Davao City – Misurender sa iyahang kaugalingon ngadto sa mga otoridad ang usa sa upat ka mga suspek nga mikulata patay sa usa ka construction worker sa may purok 3, barangay Nangkas Heights, Toril district, Davao city.

Giila ang suspek nga si Mel John Bazar, 18 anyos, usa ka construction worker ug lumulopyo sa purok 6, San Agustin, Babak, Island Harden city of Samal, Davao del Norte.

Subay sa imbistigasyon sa kapulisan, ang suspek uban ang laing tulo pa ka mga suspek nga nailhan nga mao sila Winnie Camao Dizon, 21 anyos; Elton Camao Dizon, 19 anyos; ug si Chrison Bazar Idial, 19 anyos maoy mikulata sa biktima nga si Jay Jontong Nicolas diin gibunalan pa nila kini og tubo.

Nahitabo ang pagpangulata sa dihang nag-inom kining mga suspek ug ang biktima sulod sa construction site sa lincan hardware sa maong lugar.

Dali nga gisapupo padulong sa Southern Philippines Medical Center sa mga rescuer ang biktima apan nakabsan gihapon sa iyahang kinabuhi.

Mga suspek dali nga misibat padulong sa wa matino nga lugar human sa hitabo, apan si Mel Jhon mitahan sa mga sakop sa igacos police station human sa hot pursuit operation.

BY: CAMILLE SANTOS NARAGA – SOURCE: TORIL POLICE STATION

LEAVE A REPLY

Please enter your comment!
Please enter your name here