Davao del Norte – Wakalapos ang usa ka rider ug angkas niini human kini nasiknitan ug gituuhang shabu human ni miagi sa Tagum checkpoint.
Giila ang rider nga si alyas “Joar” 33 anyos ug angkas nga si alyas “Maebert” 23 anyos nga matud sa mga pulis nagmagahi pa nga mohunong hilabi na nga wala kini suot nga helmet.
Subay sa report sa kapulisan, ilang gidakop ang duha ug dihang girekisa nakuhaan kini og pakete nga naay sulod sa gituohang shabu nga mobalor sa 6,800 pesos.
Kahinumduman nga nagmontar ang kapulisan ug checkpoint aron magpatuman sa Republic Act 4136 kon Land Transportation and Traffic Code. (Camille Santos Naraga)
(Source: Tagum City PNP | PIO PRO-XI)