Davao City – Arestado ang usa ka batan-on nga pasahero sa bus human masakpan sa checkpoint sa mga sundalo sa TF-Davao sa Sirawan, Toril District ning syudad sa Davao.
Giila ang lalaki nga si alyas “Khenny’.
Sumala sa report, wala mahimutang ang 18 anyos nga batan-on nga pasahero sa bus nga gikan sa Malita, Davao Occidental dihang nag atubang kini sa nagbantay sa checkpoint nga usa ka Cafgu.
Dinhi nakit-an sa Cafgu ang misiwil nga transparent ziplock nga anaa sa belt bag sa suspetsado ug paghiling, gituohang pinaugang marijuana ang sulod sa ziplock mao nga gidakop kini sa mga pulis.
Gawas sa illegal nga droga, nakuhaan pa gyud ang suspek og balisong ug bala sa .9mm pistol. (Camille Santos Naraga)