Davao City – Nagpadayon karon ang hugot nga imbistigasyon sa usa ka negosyanteng babae kivsa gipatay sa Purok 18 Buttercup St Corner Bluebell St Green Meadows Brgy. Sto Niño Tugbok District.
Giila ni Police Capt. Jeffrey Grant Bangcas ang biktima nga si Yvonette Plaza 38-anyos, negosyante ug transient resident sa maong lugar.
Subay sa imbestigasyon sa kapulisan, mikanaug ang biktima saiyahang sakyanan nga Montero color puti may plate number LAD 7022, sa dihang mag-abli sa gate kalit miabot ang usa ka lalaki, nakasuot og itom nga sweatshirt ug maong nga pantalon, miduol og gipusil ang biktima dayon misibat.
Sumala ni Police Captain Bangcas, nga nag-inusara lang ug walay kauban nga pamilya ang biktima sa balay nga iyang gipuy-an.
Sa karon, Padayon pa ang imbestigasyon sa background sa biktima arun nga mahibal-an ang motibo sa krimen. (Camille Santos Naraga)
(Source: Tugbok Police Station 8 | KAMM)