Davao City – Arestado ang usa ka lalaki human kining nakuhaan ug armas atol sa gipahigayong checkpoint sa Dacudao Avenue, Agdao, Davao City.
Giila ang dinakpan nga si Jomar Pasalo, 38 anyos, negosyante ug residente sa GSIS Subdivision, Matina Crossing, Davao City ug ang kauban niini nga si Kiddy Luble Allorina, 22 anyos, estudyante ug residente sa Brgy. Topland, Marcel, South Cotabato.
Sumala sa report sakay sa usa ka pick-up si Pasalo kaiban si Allorina dihang pag-abot sa checkpoint gihiling kini ug nakita ang usa ka Galil ace 22m caliber nga pistola nga walay igong dokomento ug 2 ka magazine nga puno ug buhing bala ingon man ang usa ka ka pakete sa gituohang shabu.
Dali kining giaresto sa kapulisan ug gikustidiya sa Sta. Ana Police Station. (Camille Santos Naraga)
(Source: DCPO)