Nadakpan ang usa ka 32-anyos nga lalaki sa usa ka joint checkpoint operation nga gihimo sa Task Force Davao ug Philippine National Police (PNP) sa Task Force Davao Border Checkpoint sa Barangay Sirawan, Toril, Davao City, niadtong Pebrero 23, 2026, mga alas 8:04 sa buntag.
Sumala sa mga otoridad, ang suspek nadakpan tungod sa paglapas sa Sections 11 ug 12 sa Republic Act No. 9165 o ang Comprehensive Dangerous Drugs Act of 2002. Nakuhanan ang suspek og usa ka improvised glass tube o “tooter” ug usa ka sachet nga naglangkob sa gituohang dried marijuana.
Gipahibalo sa suspek ang iyang mga constitutional rights ug ang tanang nakumpiskar nga ebidensya gimarkahan ug gi-inventory dayon sa lugar diin siya nadakpan.
Karon, ang suspek anaa na sa kustodiya sa PS8 Toril Police Station alang sa hustong pagproseso ug pag-andam sa mga dokumento para sa pagsampa sa tukmang kaso batok kaniya. (camille santos naraga)(Source: contributed)