Davao City – Gi-andam na karun sa Sta. Ana PNP ang iduso nga reklamo batok sa usa ka lalaki nga nakuhaan ug ginadili nga druga dihang milatas kini sa checkpoint sa Dacudao Avenue, Dakbayan sa Davao.
Giila sa kapulisan ang dinakpan nga si Raymund Magcanam EPA ug hamtong ang pangidarun.
Sumala sa report, samtang mi-agi sumala pa ang nahisgutan sa checkpoint, mipailalom kini sa plain view ug narekober gikan kaniya ang gikatahapan nga shabu nga mukantidad ug Php 41, 760.00 ug adunay DDB value nga Php 17, 748.00.
Dugang niini, nga anaa sab karun sa kustodiya sa otoridad ang mga narekober gikan kaniya alang sa tukmang disposisyon.
Sa karon, Paslak karun sa Sta. Ana PNP ang dinakpan ug mag-atubang kini ug kasong paglapas sa Republic Act 9165 o Comprehensive Dangerous Drugs Act of 2002. (Camille Santos Naraga)
(Source: Sta. Ana PNP)