Patay ang usa ka ulitawo human mibangga ang iyang gimanehong motorsiklo sa usa ka wing van truck sa Purok 41, Sitio Ladian, Marilog District, Davao City kagahapon sa buntag.
Sumala sa inisyal nga imbestigasyon sa kapulisan, giingong nawad-an og kontrol ang biktima sa iyang motorsiklo ug nilahos sa pikas linya sa dalan. Tungod niini, direkta kining mibangga sa kasugat nga wing van truck nga miresulta sa kusog nga impact.
Gidali pa og tabang ang biktima, apan gideklarar kini nga patay tungod sa grabeng samad nga iyang naangkon.
Padayon pa karon ang imbestigasyon sa kapulisan aron matino ang tinuod nga hinungdan sa maong aksidente.