Davao City – Sikop ang usa ka empleyado sa gobyerno ingon man ang kauban niini atol sa gikasang drug buy-bust operation sa mga sakop sa Philippine Drug Enforcement Agency Regional Office XI kauban ang National Bureau of Investigation XI ug Maa Police Station 16 sa Block 22, Lot 12, Rosalina 1, Bago Gallera.
Giila sa kapulisan ang suspek nga Cyrus Andamon alyas Dondon, 45-anyos.
Sumala sa report, nga napalitan ang suspek og usa ka pakete sa gituohang shabu nga nagkantidad ug kapin 6k pesos samtang dakpan usab ang kauban niini nga si Kenny Ngaday asa nakuhaan usab og illegal nga druga.
Dugang niini, nasignit usab ang laing duha ka mga pakete nga adunay unod nga 11grams sa gituohang shabu nga nagkantidad og P165,000.
Sa karon, kasong paglapas sa RA 9165 Comprehensive Dangerous Drugs Act of 2002 ang atubangon sa mga dinakpan. (Camille Santos Naraga)
(Source: PDEA XI)