Davao Del Sur – Sikop ang upat ka mga inbidwal human nadiskubrihan sa mga miyembro sa Digos City Police Station ang usa ka drug den atoll sa gikasang buy-bust operation sa Purok Bangus Brgy. Dawis Digos City.
Giila ni Police Captain Diosdado Niones II, ang mga dinakpan nga silas Reynan de Dios alyas Enan 28-anyos, Charle Torres alyas Yukals 32-anyos, Khem Gique alyas Pogs 29-anyos, ug Rheemarc Jumao-as alyas Yeye 23-anyos.
Sumala sa report, nga napalitan ang mga suspek og usa ka pakete sa gituohang shabu ug nakuhaan pa kini ug laing tulo pa ka mga pakete, duha ka mga pakete sa pinaugang dahon sa Marijuana ug drug parapahernalia.
Dugang niini, nga mutimbang usab ug kapin 6.0 grams ang gidaghanon sa mga nakumpiskang shabu asa nagkantidad og P90,000, 5.6grams nga Marijuana nag kantidad usab og P1,500.
Sa karon, tingkagol ang mga suspek sa prisohan ug magatubang sa kasong paglapas sa RA 9165 Comprehensive Dangerous Drugs Act of 2002. (Camille Santos Naraga)
(Source: Digos City Police Station)