Davao del Norte – Naglusad og joint drug buy bust operation ang mga sakop agent sa Regional Special Enforcement Team, Davao Del Norte Provincial Office sa PDEA-XI, Operatiba sa National Bureau of Investigation XI ug Tagum City Police Office sa Pioneer Avenue, Barangay Magugpo South, Tagum City ug nadiskubrehan nila ang usa ka drug den.
Atol sa operasyo, nadakpan ang suspek nga giila sa PDEA nga si Elizabeth Gonzales alyas “Madam” 59 anyos human mapaliti og 10 grams sa gituohang shabu asa mobalor sa 140,000 pesos.
Base sa report sa PDEA-XI, tulo ka mga drug den visitors ang ilang nadakpan nga giila sa mga operatiba nga sila Rustom Agay, Christopher Avellera ug Jenne Boy Tostado.
Nakuha usab ang laing 40 gramos sa gituohang shabu nga mobalor sa 600,000 pesos, assorted drug paraphernalia ug marked money. (Camille Santos Naraga)
(Source: PDEA-XI)