Davao City – Sikop ang usa ka construction worker human gikasa sa Sasa Police ang buy-bust operation.
Giila sa kapulisan ang suspek nga si Rey Dancel Repollo, 37 anyos ug residente sa Purok 22, Malagamot, Panacan, Davao City.
Sumala sa report, nga napalitan ang suspek ug 4 ka mga sachet sa gituuhang shabu pasado alas 9:00 kagabii, Pebrero 7, 2023.
Dugang niini, muabot sa kapin P6,000 pesos ang kantidad sa drogang nakuha sa suspek.
Samtang, gikonsidera usab sa kapulisan isip Top 2 sa listahan sa station level si Repollo. (Camille Santos Naraga)
(Source: Sasa Police Station/ PIO PRO-XI)