Davao City – Patay ang usa ka construction worker human kining nakigpinusilay sa mga sakop sa San Pedro Police Station ilawm sa tulay sa Bankerohan Bridge sa Purok 1, Bryco, Brgy. 5-A.
Giila sa kapulisan ang suspek na si alyas Ryan 27-anyos nga residente sa maong lugar.
Sumala sa report, adunay nadawat nga report ang kapulisan mahitungod sa insidente ug dali kining girespondehan apan pag abot sa mga pulis kumpirmadonh adunay bitbit nga armas ang suspek.
Dugang niini, gi istorya pa sa kapulisan ang suspek apan wala mituman ug misukol kini isip depensa sa kapulisan nahitabo ang insidente.
Gidala pa sa balay tambalan ang suspek apan gideklara kining dead on arrival.
Samtang, nakuha sa posisyon sa suspek ang usa ka beltbag nga adunay sulod nga marijuana. (Camille Santos Naraga)
(Source: San Pedro Police Station 2)