Davao City – Himas rehas karon ang usa ka barangay kagawad sa Brgy. Bao Municipality Alamada North Cotabato human kining nakuhaan og pistola sa Bunawan Police ug Task Force checkpoint sa Licanan.
Giila sa Bunawan Police Station ang dinakpan nga si Roger Cadava, 55-anyos.
Sumala sa report, sakay ang brgy. Kagawad sa usa ka Hi-Lux apan atol sa inspection nakuha ang usa ka magazine sa 9 mm caliber, usa ka 9 mm caliber Pietro Beretta Gardone V. T. Bearing serial no. M262682 (PNP issued), ug 5 ka live ammunitions sa 9 mm caliber.
Dugang niini, gipangayuan pa sa kapulisan ug mga dokumento apan wala kini napakita ug tungod niini giaresto gilayon si Cadava
Sa karon, magatubang ang dinakpan sa kasong paglapas sa RA 10591 ug BP 881. (Camille Santos Naraga)
(Source: DCPO)