Davao del Sur – Patay na nga nakaplagan sa Hagonoy Municipal Police ang usa ka bag-ong himugso nga batang lalaki asa naglutaw sa usa ka irrigation canal sa Purok 8, Brgy Poblacion pasado alas 4:24 sa hapon kagahapong adlawa, Pebrero 8.
Sumala sa report sa kapulisan, adunay usa ka nagpakabanang residente sa lugar kinsa maoy ni report sa kapulisan nga aduna silay nadiskubrihang bag-ong himugsong batang lalaki nga naglutaw ug wanay kinabuhi sa usa ka irrigation canal.
Dali nga miresponde ang mga personahi sa MDRRMO ingon man ang Municipal Health Office sa luagr.
Gitistingan pa kini ug revive pinaagi sa resuscitation apan gideklara kining wanay kinabuhi.
Sa karon gisubay na sa kapulisan ang tanang health center aron nga matino ug kinsay inahan sa giingong bata. (Camille Santos Naraga)
(Source: Hagonoy MPS | PIO Davao del Sur PNP)