Davao City – Swerte nga nabuhi pa ang usa ka lalaki samtang samdan ang batang babae human kining gipusila sa Purok 5, Pomelo St. Brgy. Poblacion, Bayugan City.
Giila ang mga biktima nga silas Jomati Ofianga Baclayon, 27 anyos, mekaniko ug residente sa Purok 6, Poblacion, Esperanza, Agusan del Sur samtang ang batang babae giila nga si Zamantha Jeriely Halina residente sa P-5 Pomelo St. Brgy. Poblacion, Bayugan City.
Sumala sa report, kalit nga gibaril si Bacalayon sa wamailhing mga suspetsado atol sa maong panghitabo nadamay ang usa ka 4 anyos nga batang babae tungod misulod ang bala sa caliber 9mm sa panimalay sa batang babaye.
Dugang niini, naigo sa tuhod nga bahin ang bata.
Dali usab nga miikyas ang mga suspetsado.
Sa karon, nagpadayon pa ang huhot nga imbistigasyon sa kapulisan sa nahitabong insidente. (Camille Santos Naraga)
(Source: Bayugan PNP)