Davao: Usa ka 26 anyos nga lalaki, sikop sa drug buy-bust sa Digos City

0
11

Davao del Sur – Sikop ang usa ka lalaki human gikasa sa Digos City Police kauban ang ubang unit sa PNP ug PDEA ang buy bust operation sa Aurora Extension, Barangay San Miguel, Digos City.

Giila sa kapulisan ang suspek nga si Gemar Humol Sab-a, 26 anyos, residente sa Lapu-lapu Sugar Road, Barangay San Miguel, Digos City.

Subay sa report sa Digos City PNP, pasado alas 3:30 kaganihang kaadlawon, Hunyo 16 ug napalitan sa poseur buyer nga pulis ang suspek og usa ka sachet nga naay sulod sa gituohang shabu.

Sa pagkapkap sa mga pulis ngadto sa suspek laing 5 pa ka mga sachets nga naay sulod sa gituohang shabu ang nakuha sa iyang possession nga mokantidad tanan sa 6,300 pesos.

Sa karon, tingkagol ang suspek sa Digos City Police Station. (Camille Santos Naraga)

(Source: Digos PNP)

Leave a Reply