Davao Del Norte – Sikop ang usa ka 22 anyos nga lalaki human gilusad ang buy-bust operation sa CIDG-Davao Norte Provincial Field Unit kauban ang Asuncion Municipal Police Station ang Oplan Paglalansag Omega sa Davao del Norte.
Giila sa CIDG-DNPFU ang dinakpan nga si Kentge Diosa, residente sa Purok 16, Barangay Cambanogoy, Asuncion, Davao del Norte.
Sumala sa report, gibaligyaan sa suspek ang poseur buyer og caliber .9mm submachine automatic pistol hinungdan nga giaresto kini ug walay igong papeles ang baril.
Nakakuha usab sa mga operatiba ang 1 magazine sa cal. 9mm ug 14 ka mga bala, marked money ug boodle money nga gigamit sa operasyon.
Sa karon na-file na sa kapulisan ngadto sa piskalya ang kasong pagsupak sa Republic Act 10591 kon The Comprehensive Law on Firearms and Ammunition batok sa suspek. (Camille Santos Naraga)
(Source: CIDG-DNPFU)