Davao City – Nagpadayon ang pagtabang sa buhatan ni Davao City First District Representative Paolo Duterte alang sa mga panday, laborer, shine boys, street vendors ug mga biktima sa sunog.
Nakadawat ang kapin 3,000 ka mga indibidwal sa unang distrito sa syudad og ayuda gikan kang Congressman Duterte pinaagi sa Tulong Panghanapbuhay sa ating Disadvantaged/Displaced Workers (TUPAD) ubos sa Department of Labor and Employment (DOLE) XI.
Base sa talaan sa First Congressional office adunay 5,430 ka mga indibidwal ang nag-apply sa DOLE XI alang sa TUPAD program. Human sa profiling nga gihimo sa mga sakop ni Congressman Duterte, 3,422 niini ang makadawat sa ilang pay-out nga hinay-hinay ng gisugdan.
Una ng miingon si Congressman Paolo Duterte nga mutabang ug dili kini mutalikod sa mga nanginahanglan labi na kadtong mga naglisud ug angayang tabangan. (Camille Santos Naraga)
(Source: Paolo Duterte Communication Dept.)