Davao City – Midaug isip “Best Cacao Beans” ang tulo ka mga cacao farmers nga taga Davao City sa Philippine Cacao Quality Awards 2022 atol sa gihimong Cacao National Congress 2022 sa SMX, SM Lanang Premier, Davao City niadtong Biyernes, Nobyembre 25.
Ang tulo ka mga taga Davao City nailhang silas Judith V. Gabasa, Policarpo B. Enricoso, Jr. nga pulos mga taga Brgy. Saloy, Calinan ug Melinda O. Villaflor nga taga Brgy. Calinan.
Ang ilang mga cacao beans maoy giilang “Qualified Best Cacao Beans” atol sa Philippine Cacao Quality Awards (PCQA) 2022.
And tulo ka mga dabawenyo mamahimong representante sa nasud Pilipinas sa pagahimoong Cocoa of Excellence of the International Cocoa Awards sa Salon du Chocolat sa Paris sa tuig 2023. (Camille Santos Naraga)
(Source: Department of Agriculture XI)