Nibisita si Senador Bong Revilla Jr. sa mga nasunugan didto sa Sitio Paradise, Barangay Looc, Mandaue City, karong adlawa, Nobyembre 27,2022.
Adunay ₱ 3,000 nga financial assistance nga gikan sa buhatan ni Senador Bong Revilla ang gipang apod-apod.
Muhatag usab og ₱ 2,000 ang Mandaue City Government nga hinabang sa mga nasunugan.
Gitambungan usab kini sa mga opisyalis sa dakbayan sa Mandaue.
Mahinunduman nga niadtong Martes sa gabii pasado alas 11:00 naigo sa dakong sunog ang Sitio Paradise, Looc, Siyudad sa Mandaue diin adunay kapin sa 700 ka mga pamilya ang nabiktima sa maong sunog.
Mensahi sa paglaum maoy ilang gipaabot sa mga biktima sa sunog ug gikalipay usab nila kini kay bisan paman sa maong panghitabo wala gihapon sila pasagdae. (Renante Lada, photo credits to the owner)