Arestado ang tulo ka indibidwal human gikasa sa mga sakop sa Philippine Drug Enforcement Agency (PDEA) ang drug buybust operation sa Purok 8, Barangay Doña Andrea, Asuncion, Davao Del Norte.
Giila ang mga dinakpan nga si sila “Chong,” 34-anyos, tigdumala sa drug den, alyas “Andoy,” trabahante sa drug den, ug alyas “Jeje,” bisita sa drug den.
Nakuha sa posisyon sa mga dinakpan ang usa ka sachet sa shabu nga nagkantidad og ₱8,000 ingon man ang 10 ka sachet sa shabu nga muabat sa 14 grams ang gibug-aton ug nagkantidad og ₱112,000, lakip ang drug paraphernalia ug marked money.
Sa karon, himas rehas ang dinakpan ug magatubang sa kasong paglapas sa RA 9165 kun Comprehensive Dangerous Drug Act of 2002.(Camille Santos Naraga)(Source: Contributed)