Daghang pasahero ang naangol sa usa ka karambola nga nalambigit ang usa ka trak, jeep, ug bus sa Sitio Pamuhatan, Barangay Marilog, Davao City, alas-10:00 sa buntag niadtong Miyerkules, Hulyo 1, 2026.
Base sa inisyal nga impormasyon, ang mga biktima gilayon nga gidala sa mga duol nga ospital aron mahatagan og tukmang tambal ug medikal nga pag-atiman.
Gituohang kalit nga napakyas ang brake sa trak, hinungdan nga mibangga kini sa jeep ug bus, nga misangpot sa sunod-sunod nga bangga.
Padayon pa sa pag-imbestigar ang mga otoridad aron mahibal-an ang tinuod nga hinungdan sa insidente ug makumpirma ang eksaktong ihap sa mga naangol.(Camille Santos Naraga)(Source: Gerald M. Pascua Longboy)