Davao City – Himas rehas ang giilang Top 4 sa Drug Watchlist sa Davao City human ang gipahigayong drug buy-bust operation sa pagpanguna ni Police Major Jake Goles, Station Commander, sa Block 3, Muslim Village, Barangay Ilang, Davao City.
Giila ang suspek nga si Abdul Kair Aseril Sabihil alyas Lebi, 25-anyos, Top 4 sa Drug Watchlist, Edner Ismael 38-anyos ug Mark Anthony Babao, 39-anyos nga pulos residente sa maong lugar.
Nakuha sa posisyon sa mga suspek ang iligal nga droga nga mutimbag ug 11.72 grams nga nagkantidad ug kapin P76, 696 pesos, sling bag ug .38 revolver nga pistola.
Sa karon, magatubang ang mga suspek sa kasong paglapas sa RA 10591 Illegal Possession of Firearms ug RA 9165 Comprehensive Dangerous Drugs Act of 2002. (Camille Santos Naraga)
(Source: DCPO)