DAVAO CITY – Gihatagan ug gibug-aton ni Davao City 1st District Representative Paolo Duterte nga hatagan og tax incentives ang mga doktor nga gahatag og libreng medical alang sa mga indigent patients.
Ang giingong balaud gisang-at nila Cong. Pulong Duterte, Representative Eric Yap, ACT-CIS Partylist Reptesentatives Edvic Yap ug Jeffrey Soriano.
Tumong niini nga hatagan og tax credits asa ibawas sa gross income sa mga doktor nga mihatag og pro bono services.
Ubos sa maong balaud gitahasan ang Department of Health (DOH) ug Philippine Medical Association (PMA) nga maoy muhimo sa evaluation sa oras sa pro bono service sa mga doktor ug sa serbisyo o medical procedure nga ilang gihimo.
Sumala sa batang Duterte, nga mahatagan og pahalipay ingon man ilhon ang paghatag og quality healthcare sa mga doctor ngadto sa mga Pilipino.
Dungan niini, naglaum usab si Pulong nga pinaagi sa maong insentibo mas daghan pang mga doctor ang ma-inganyo nga muhatag og libreng serbisyo.
By: Camille Santos Naraga – Source: Davao LGU
