Carmen, Davao del Norte – Sikop ang usa ka drug den owner human gipahigayon ang Drug buy bust operation sa Purok 4B, Barangay Magsaysay, Carmen, Davao del Norte.
Giila sa kapulisan ang suspek nga si Rodegelio Pogoy, 54 anyos.
Sumala sa report, pasado ala 9:40 sa gabii dihang nadakpan ang suspek samtang adunay upat ka mga drug den visitor ang anaa niadyong tungora.
Dugang niini, Giila sa PDEA ang giingong mga visitor nga sila Junior Ga, Jun Rey Calaycay, Jhonrey Magto ug Ian Jay Magto.
Nakuha sa mga suspek ang 7 ka mga sachet sa gituohang shabu asa mukantidad kini ug kapin 174,000 pesos samtang nasignitan usab sa PDEA ug drug paraphernalia ingon man marked money nga gigamit sa pagpalit og droga.
Sa karon mag-atubang sa kasong paglapas sa Republic Act 9165 kon Comprehensive Dangerous Drugs Act of 2002 ang mga nadakpan. (Camille Santos Naraga)
(Source: PDEA-XI)