Davao City – Daling nasikop sa Monkayo PNP ang usa ka suspek sa brutal nga hacking incident, pipila lang ka oras human nabalita ang krimen.
Ang biktima usa ka 45-anyos nga negosyante samtang ang suspek usa ka 49 anyos nga mag-uuma.
Sumala sa report, nga dali gireport ni Barangay Kapitan Edgar Morales sa mga awtoridad ang nahitabong pag-atake sa usa ka 45-anyos nga negosyante, sa Purok 2, Barangay Casoon.
Dugang niini, gitigbas sa suspek ang biktima sa makadaghang higayon una pa moikyas paingon sa iyang umahan sa Purok 8.
Dali usab gidala sa mga kabanay ug opisyal sa barangay ang biktima kung asa nasa stable na nga sitwasyon.
Sa paspas nga paglihok, gilusad gilayon sa Monkayo PNP ang hot pursuit operation hinungdan nga nasikop ang suspek. (Camille Santos Naraga)