Butuan City – Nag-engkwentro ang mga sakop sa 29th Infantry “Matatag” Battalion ug teroristang grupo human girespondihan sa mga sundalo ang report nga adunay presensya sa mga miyembro sa Communist Terrorist Group nga NPA sa Sitio Mandalayag, Barangay Pianing, Butuan City nga nagapangayo og pagkaon ug ubang supply sa mga tawo.
Pag-abot sa pwersa sa mga sundalo sa Sitio Tubuhon, Barangay Bugsukan, Butuan City nahitabo ang 40 minutos nga giyera batok sa ibana-banaang 10 ka miyembro sa NPA nga gipangulohan ni Arnel Baguis alyas Dindo sa Sandatahang Yunit Propaganda 21c, Guerilla Front 21, Northeastern Mindanao Regional Committee.
Sumala ni LtCol Cresencio Gargar ang Commanding Officer sa 29th IB, nga gihimo lang nila ang combat operation tungod sa report sa mga sibilyan sa lugar.
Dugang niini, nga walay gika report nga samdan sa giingong engkwentro apan nakarekober sa mga mga sundalo ang 2 ka AK 47 rifles, 1 M16A1 rifle, assorted nga mga bala, pagkaon ug mga subersibong dokumento sa NPA.(Camille Santos Naraga)
(Source: 29th Infantry “Matatag” Battalion)