Davao Del Sur – Gilayong gidala sa Provincial Hospital sa Davao del Sur ang usa ka lalaking biktima sa pagpangunggab gamit ang gunting.
Base sareport nga gipaggawas sa Sta. Cruz MPS, pasaod ala una sa kadlawon nga nakadawat kini ug report nga dunay pagpangunggab nga nahitabo sa Sitio Malusing, Brgy. Zone 1, Sta. Cruz, probinsya sa Davao del Sur hinungdan nga dali nila kining girespondihan.
Giila ang biktima nga si alyas Orlando, 49 anyos, minyo, usa ka tricycle driver ug suspek nga si alyas Jefrey, 40 anyos, minyo, ug usa ka mananagat nga pulos lumulupyo sa nasangpit nga lugar
Sumala pa nga anaa ilalom sa ilimnong makahubog ang duha diin sa ulahi wala kaagwanta ang suspek nga si alyas Jefrey og mikuhag gunting sa panimalay niini ug maoy gigamit sa pagdunggab sa makadaghang higayon ngadto sa biktima.
Boluntaryo ra usab nga misurender sa estasyon sa kapulisan ang suspek diin gikustodiya na kini lakip ang mga ebidensya nga nakuha gikan sa crime scene samtang padayon pa nga gitambalan ang biktima sa hospital.(Camille Santos Naraga)
(Source: Sta. Cruz MPS)