Davao de Oro – Sikop ang 8 ka mga indibidwal human gikasa sa PDEA-Nabunturan ang joint drug buy bust operation sa PDEA-Nabunturan sa Purok 2, Barangay Poblacion, Nabunturan, Davao de Oro.
Base sa report sa PDEA-XI, unang napalitan og usa ka sachet nga naay sulod sa gituohang shabu nga mobalor sa 12,000 pesos ang target sa operation ug giingong drug den maintainer nga si Neseljohn Pabilona, 25 anyos.
Naabtan sa mga otoridad sa gipuy-an ni Pabilona ang live-in partner niini nga giila sa PDEA nga si Zekia Carcueva ug mga giigngong drug den visitors nga gipang-ila sa mga otoridad nga sila Artiem Abarte, Aries Medoza, Jonan Tanilon, Kenneth Tayag, Heavenly Andres ug Cindy Emelio nga apil sa gipang-dakop.
laing 2 pa ka mga sachets nga adunay sulod sa gituohang shabu ang nasignit sa mga otoridad nga tanan-tanan mokantidad sa 86,000 pesos.
Lakip sa nakuha sa operasyon ang marked money ug assorted drug paraphernalia.
Sa karon himas rehas ug posibling mag-atubang sa kason g paglapas sa RA 9165 kun Comprehen sive Dan gerous Drug Act of 2002. (Camille Santos Naraga)
(Source: PDEA-XI)