Davao de Oro – Patay ang usa ka siklista human nga nabanggaan og jeep sa coastal road Purok 4, Hijo, Maco.
Giila sa Maco Police Station ang biktima nga si Roel Laud 40-anyos kinsa dead on arrival sa Alaba Medical Clinic.
Nakahiagom og mga samad ug bali sa lawas ang biktima tungod sa aksidente.
Subay sa imbestigasyon kalit nga mitabok sa pikas lane ang biktima hinungdang nabanggaan siya sa jeep nga nagdagan sa Mati-Davao coastal road gikan sa Mabini paingun sa Tagum City, Davao del Norte.
Anaa na sa kustodiya sa pulis ang driver sa jeep kinsa nameligrong mag-atubang og kasong reckless imprudence resulting in homicide. (Camille Santos Naraga) Â
(Source: Maco MPS)