DAVAO CITY – Human sa kapin 20 ka tuig nga pagserbisyo, gipakita pag-usab ni Secretary Larry Gadon ang iyang paningkamot ug katapatan sa Philippine Coast Guard Auxiliary (PCGA).
Sukad pa sa tuig 2003, nagserbisyo na si Secretary Gadon isip Auxiliary Commander, ug niadtong Oktubre 22, 2025, opisyal siyang napanumpa isip Rear Admiral sa organisasyon.
Matod pa ni Secretary Gadon, ang pagserbisyo sa PCGA usa ka simbolo sa pagka-makabayan, ug bisan pa man sa paglabay sa panahon, padayon ang misyon sa pag-alagad ug pagpanalipod sa nasud.
Nagpasalamat usab siya kang Commandant Admiral Ronnie Gil Gavan ug sa tibuok pwersa sa Philippine Coast Guard ug Auxiliary sa pagsalig ug oportunidad nga makapadayon sa pagserbisyo alang sa katawhan. (Camille Santos Naraga)(Source: Contributed)