DAVAO CITY – Mapasigarbohong misalmot ang mga atleta sa Pilipinas uban sa mga kabatan-onang atleta nga giila nga mga future Olympic stars atol sa opening ceremony sa 3rd Asian Youth Games nga gipahigayon sa Manama, Bahrain.
Ang seremonya, nga gipahigayon sa Exhibition World Hall 7, mitigom og kapin sa 4,000 ka atleta gikan sa 45 ka nasud nga nagpasundayag sa kultura sa Bahrain ug diwa sa sportsmanship.
Mitambong usab aron mosuporta sa delegasyon si Philippine Olympic Committee (POC) President Abraham “Bambol” Tolentino, samtang gipangulohan sa His Highness Shaikh Nasser bin Hamad Al Khalifa ang maong kalihokan.
Gipangulohan sa mga flag bearers nga sila si Lheo Mar Lobrido (boxing) ug Harlyn Serneche (Alas) ang 22 ka atleta ug duha ka opisyal sa Pilipinas, lakip na si Chef de Mission Tats Suzara ug Deputy Chef Richard Lim, sa ilang pagpaningkamot nga makakuha og medalya sa umaabot nga Huwebes. (Camille Santos Naraga)(Source: Contributed)