Mipaabot og lawom nga pahasubo ang Samahang Basketbol ng Pilipinas (SBP) sa pagpanaw ni Rene Baterbonia, usa ka DAVRAA ug Palarong Pambansa player nga nahimong Most Valuable Player (MVP), ug ni Divine Adili, usa usab ka student-athlete.
Sumala sa mga report, namatay ang duha human malumos atol sa usa ka team-building activity sa Dipaculao, Aurora.
Gipahayag sa SBP ang ilang pakigduyog sa kasubo sa mga pamilya, higala, ug kauban sa duha ka atleta. Gipasalig usab sa organisasyon ang ilang suporta ug tabang ngadto sa mga naulilang pamilya ni Baterbonia ug Adili niining panahon sa pagbangotan. .(Camille Santos Naraga)(Source: Contributed)