DAVAO CITY – Grabe ang kadaot nga nasinati sa usa ka motorcycle rider human nga masangit sa usa ka truck ug nabanggaan pa sa nagsunod nga motorsiklo sa Sitio Paghidaet, Barangay San Vicente, alas 8:00 sa gabii, Agosto 18.
Base sa imbestigasyon sa Banga Police Station, naigo una ang biktima sa kasugat nga truck, hinungdan nga nawad-an kini og kontrol sa iyang motor. Sa pagkahulog niini, nabanggaan usab siya sa laing rider nga nagsunod sa dalan.
Tungod sa insidente, nakabaton ang biktima og grabeng samad, bun-og, bali, ug naputlan pa gyud og tiil.
Dinalian siyang gihatod sa ospital alang sa tukmang tambal. .(Camille Santos Naraga)(Source: Contributed)