DAVAO CITY – Gipasiguro sa mag-amahan nga sila First District Representative Paolo Duterte, Second District Representative Omar Duterte, ug Acting Vice Mayor Rigo Duterte ang suporta alang sa mga pamilyang biktima sa sunog nga nahitabo sa Barangay Leon Garcia ug Barangay San Isidro, Agdao, niadtong Agosto 18.
Sulod sa pito ka adlaw, magpadayon ang ilang mga opisina sa paghatud og pagkaon, hot meals, ug ilimnong tubig aron masiguro nga walay magutman o mauhaw sa evacuation centers.
Base sa inisyal nga report sa City Social Work and Development Office (CSWDO), apektado ang 22 ka panimalay, lakip ang 13 sharers, 23 renters, ug 5 boarders sa Leon Garcia. Samtang sa San Isidro, natala ang 65 ka panimalay nga naapektuhan, lakip ang 310 ka indibidwal nga adunay 30 renters.(Camille Santos Naraga)(Source: Contributed)