Davao City – Patay ang usa ka driver sa motorsiklo human mabangga sa nakaparada nga truck sa Sitio Balintong, Barangay Tamugan, Marilog District, Davao City.
Giila ang biktima nga si Saldon Aldren Donggallo, 20 anyos, residente sa Sitio Pagan Grande, Barangay Tamugan ning syudad.
Sumala sa report, nagsubay sa Davao-Bukidnon highway ang rider nga si Donggallo nga pa Bukidnon ang direksiyon apan pag-abot sa Sitio Balintong nabangga kini sa nakaparada nga truck sa daplin sa highway.
Dugang niini, nga gina-ayo ang makina sa truck mao nga anaa kini sa daplin sa highway.
Temporaryong gikustodiya ang driver sa truck nga giila sa mga pulis nga si Lingatong Jayrick Mar Bacani, 32 anyos, residente sa Barangay 5-A, Bankerohan, Davao City. (Camille Santos Naraga)
(Source: Contributed)