DAVAO DEL NORTE – Opisyal nang nanumpa isip bag-ong Vice Mayor sa Kapalong si Hon. Kim P. Quesada sa usa ka seremonyang gipahigayon sa Sanggunianang Bayan Session Hall karong hapon, Disyembre 1, 2025. Ang panunumpa gi-administer ni Judge Grace May M. Quibo.
Subay sa balaod sa “law of succession,” si Quesada ang opisyal nga napili nga puli sa pwesto ni dating Vice Mayor Maria Theresa Timbol, nga giwalihan sa serbisyo sa Ombudsman.
Gipahigayon ang panunumpa sa presensya sa mga lokal nga opisyal ug empleyado sa munisipyo, uban sa suporta sa komunidad. Gisiguro ni Quesada nga ipadayon niya ang mga programa ug serbisyo alang sa katawhan sa Kapalong ug magtinabangay sa Sangguniang Bayan aron mas mapalig-on ang lokal nga pamalaod.(Camille Santos Naraga)(Source: Contributed)