DAVAO DEL NORTE – Kapin sa 3,000 ka mga residente ang nakadawat og social services gikan sa opisina ni Cong. De Carlo “Oyo” Uy ug mga TINGOG Centers sa Davao del Norte District 1 sulod sa buwan sa Nobyembre.
Miabot sa 3,065 ka tawo ang naserbisyohan sa Congressional Help Center (Main) ug sa mga TINGOG Centers sa Asuncion, Kapalong, ug New Corella, lakip ang Oyo Uy Helpdesks sa partner hospitals sa Tagum City. Sa naserbisyohan, 1,690 ang gikan sa Oyo Uy Helpdesks, 745 ang gikan sa TINGOG Centers/LGU Help Centers, ug 630 ang gikan sa Main Congressional Help Center.
Gipasalamatan ni Cong. Oyo ang DSWD sa paghatag og burial ug medical assistance (AICS), ang DOH sa MAIFIP Program, ug ang Tingog Party List sa suporta sa mga serbisyo.
Giawhag usab sa kongresista ang mga nanginahanglan og burial ug medical assistance nga mobisita sa mga TINGOG Centers o sa Main Congressional Help Center sa City Arcade, Apokon, Tagum City.(Camille Santos Naraga)(Source: Contributed)