Wala na maka iskapo sa mga tinugyanan sa balaod ang usa ka lalaki homan ma aresto pasado alas 9 ang takna sa gabii,niadtong Mayo 25,2025 didto sa Purok Maswerte, Brgy. Cawa-Cawa, Dapitan City, Zamboanga del Norte.
Ang suspek usa ka 26 anyos,lalaki,ulitawo ug residente sa susamang dapit kinsa gi alegar nga nanghulga sa biktima nga usa ka 23 anyos nga babaye nga nurse ug residente sa nasangpit nga Barangay.
Nasayran nga pasado alas 10:30 sa gabii, nanawag ang biktima sa Dapitan CPS aron pagtaho nga gihulga siya sa suspek sulod sa ilang pinuy-anan ug dalimg girespondehan sa pulis aron sa pag-verify sa taho, ug malampusong nasikop ang suspek.
Sa inisyal nga imbestigasyon nagkalalis ang suspek ug ang biktima diin ang suspek giingong nangbastos ug nanghulga pinaagi sa pulong, unya mikuha siya og gunting ug gigukod ang biktima samtang nagpagawas og dugang hulga sa kamatayon.
Nakaikyas ang biktima ug nangayog tabang sa duol nga kabanay.
Ang suspek detinado na karon sa kustodiya sa Dapitan CPS samtang nagpaabot sa pagpasaka sa tukmang kasong kriminal.(Medalyn U. Borja)
Source : ZNPPO